Almatyda lıft batyrmasyna túkirgen buzaqy jaýapqa tartyldy
ALMATY. QazAqparat – Áleýmettik jelide Almaty qalasyndaǵy turǵyn úı keshenindegi lıft batyrmasyna túkirgen belgisiz jigittiń vıdeosy taraldy. Buzaqyny qala polıtsııasyn tapty, dep habarlaıdy QazAqparat Polisia.kz saıtyna silteme jasap.
Er adamnyń áreketi «Alataý sıtı» turǵyn úı keshenindegi lıftiniń baqylaý kamerasyna túsip qalǵan.
«Onyń aty-jóni kim ekendigi anyqtaldy, ol polıtsııaǵa jetkizilip, QR ÁQBK 434-babyndaǵy (usaq buzaqylyq) quqyq buzýshylyq belgisi boıynsha ákimshilik jaýapkershilikke tartyldy. Sheshim qabyldaý úshin is materıaldary sotqa jiberildi», – dep málimdedi Alataý aýdandyq Polıtsııa basqarmasy basshysynyń mindetin atqarýshy Іlııas Ómirserikov.
Buzaqy istegen áreketine ókinetinin aıtyp, keshirim surady.
«Ashý ústinde lıft batyrmasyna túkirdim. Osyǵan baılanysty barlyǵynan, sonyń ishinde turǵyn úı kesheniniń turǵyndarynan keshirim suraımyn», - dedi A. esimdi jigit.
