Almatyda Lexus pen mototsıkl soqtyǵysty
ASTANA. QazAqparat - Almatyda Lexus pen mototsıkl soqtyǵysty, dep habarlady «Qazaqstan baıkerleri» qaýymdastyǵynan.
Oqıǵa 21 tamyzda Tóle bı men Fýrmanov qıylysynda saǵat 01.00-de oryn aldy. Kýágerlerdiń aıtýynsha, mototsıkl Fýrmanov kóshesi boıymen ońtústik baǵytqa qaraı baǵdarshamda jasyl belgi janyp turǵanda ótip ketken. Sol sátte Lexus kóligi baǵdarshamnyń qyzyl belgisin elemeı, Tóle bı kóshesinen burylyp, mototsıklmen soqtyǵysty.
Qatty soqqydan mototsıklshi birneshe metrge ushyp baryp, asfaltqa qulady. Biraz ýaqyt es-tússiz jatty, esin jıǵan kezde bir aýyz sóz aıtpady, suraqqa da jaýap bermedi.
Ol aýrýhanaǵa jetkizildi. Moıny jyrylyp, aıaǵy men qabyrǵasy synǵan, otany qajet etedi.
Kýágerler Lexus kóliginiń júrgizýshisi mas bolýy múmkin ekenin, onyń zardap shekpegenin aıtty.
