Almatyda Lexus dóner dúńgirshegin soqty
ALMATY. QazAqparat – Almatyda Lexus ES-350 júrgizýshisi kólik tizgininen aırylyp qalyp, dóner dúńgirshegine kirip ketti, dep habarlaıdy QazAqparat tilshisi.
Jol apatynyń vıdeosy áleýmettik jelide jarııalandy.
Polıtsııa departamentiniń habarlaýynsha, túngi saǵat 02:00-der shamasynda Lexus ES-350 kóligin tizgindegen júrgizýshi M.Mámetova kóshesimen kele jatyp rólden aırylyp qalǵan. Sosyn jıektasqa (bordıýr), jaryq baǵanyna soǵylyp, onyń artynda turǵan dóner satatyn dúńgirshekke jartylaı kirip ketken.
Jol apatynan kásipkerge shyǵyn keldi. Eshkim jaraqat alǵan joq.
Atalmysh oqıǵa boıynsha Almaly aýdandyq PB tekserý júrgizip jatyr.
