Almatyda «Lexus» bir otbasyn qaǵyp ketti
ALMATY. QazAqparat - Almatyda «Lexus» kóligi jaıaý júrginshilerdi qaǵyp ketti, dep habarlaıdy QazAqparat tilshisi.
Jol apaty «Almaty Arena» sport saraıy mańynda boldy.
Oqıǵaǵa kýá bolǵandardyń aıtýynsha, «Lexus» Momyshuly kóshesimen joǵary jyldamdyqta júıitkip kele jatyp, joldan ótip bara jatqan bir otbasyny qaǵyp ketken. Soqqy ákesi men qyzyna tıgen, anasy men uly aman qaldy.
Úıdiń otaǵasyn aýyr jaǵdaıda jedel járdem kóligi alyp ketken. Al boıjetken aýrýhanaǵa jatýdan bas tartty.
«Lexus» júrgizýshisi mas bolmaǵandyǵy anyqtaldy.
Qazir polıtseıler bolǵan oqıǵanyń mán-jaıyn anyqtap jatyr.
