Almatyda Lexus aýdarylyp qaldy
ALMATY. QazAqparat - Almatyda Lexus aýdarylyp, bir jolaýshy jaraqat aldy, dep habarlaıdy QazAqparat tilshisi.
Jol apaty Seıfýllın men Bógenbaı kósheleriniń qıylysynda bolǵan. Toyota Camry Seıfýllın kóshesimen soltústikke baǵyt alǵan.
Lexus Bógenbaı batyr kóshesimen shyǵysqa qaraı kele jatqan.
Kýágerlerdiń aıtýynsha, qıylysta baǵdarsham jumys istemeı turǵan. Jol erejesin saqtamaǵan Lexus basty kóshedegi kólikterge jol bermeı Toyota Camry kóligimen soqtyǵysty.
Soqqydan Lexus tóńkerilip tústi.
Jol apatynyń kesirinen Toyota kóligindegi boıjetken aýyr jaraqat aldy. Ony jedel járdem alyp ketti. Jol apatynyń mán-jaıyn polıtsııa anyqtap jatyr.
Eske sala ketsek, buǵan deıin Almaarasan shatqalynda Úlken aınalma joldyń boıynda Golf III markaly avtokólik joldan ushyp ketti. oqıǵa saldarynan bir jolaýshy qaza taýyp, júrgizýshi aýyr halde aýrýhanaǵa jetkizildi. 
