Almatyda "Let's speak qazaqsha!" áleýmettik jarnama galereıasy ashyldy

Endi naýryz aıyna deıin «Stolıchnyı» sýpermarketiniń (Qabanbaı kóshesiniń boıynda, Jeltoqsan men Abylaıhan dańǵyly aralyǵynda) aldyndaǵy áınekte "Let's speak qazaqsha!" jobasynda qazaq tilin óz erikterimen meńgerip, jaqsy kórsetkish kórsetken 14 jeńimpazdyń sýretteri ilinip turatyn bolady.

"Bul bizdiń jarty jyldyq jumysymyzdyń nátıjesi. Joba bıyl jazda bastalǵan bolatyn. Jobaǵa barlyǵy 40-tan astap qazaq tilin úırengisi keletin ár túrli ult ókilderinen turatyn jandar qatysty. Jas aralyqtary da ár túrli boldy - biri mektep oqýshysy bolsa, biri úlken kompanııalardyń qyzmetkerleri, al biri - stýdentter. Olardyń eshbiri til úırenýdi úlken másele jasaǵan joq, máselen, ádebıetter kerek, ne ýaqyt joq degendeı.... Ózderiniń kúndelikti aralasatyn dostary, týǵan-týystary, kórshilerimen qazaq tilinde sóılesemin dep maqsat qoıyp, búginde sol maqsattaryna jetip qazaq tilinde erkin sóıleýde",-dedi sharanyń uıymdastyrýshysy, Qazaqstannyń jastar medıa odaǵynyń dırektory Svetlana Ǵalıeva.

Onyń aıtýynsha, jeńimpazdardyń jetistigi memlekettik tildi úırengisi keletin qazaqstandyqtar úshin naǵyz úlgi bolmaq.

Al, joba jeńimpazdary bul jetistikterin el táýelsizdiginiń 20 jyldyǵyna qosqan qarapaıym úlesimiz dep sanaıdy. Olardyń aıtýynsha, qazaq tilin úırený úshin - eń bastysy qalaý men naqty maqsat qajet.

Atalmysh shara QR Tuńǵysh Prezıdenti qorynyń qaıyrymdylyq kómegeniń arqasynda júzege asqan.