Almatyda «Leksýs» pen «Sýbarý» soǵylyp, 3 adam zardap shekti
ALMATY. QazAqparat - Almatyda Mendeleev jáne Gýrelev kósheleriniń qıylysynda «Sýbarý forester» men «Leksýs» kólikteri soqtyǵysyp, 3 adam zardap shekti, dep habarlaıdy QazAqparat tilshisi.
Kýágerlerdiń aıtýynsha, Sýbarý kóligi Mendeleev kóshesimen batystan, al «Leksýs» Gýrelev kóshesimen kele jatqan. «Sýbarý» júrgizýshisi ótkizý belgisin bildiretin jol belgisin elemeı, «Leksýske» baryp soǵylǵan. Jol-kólik apatynan Leksýs bir jaǵyna aýyp, tóńkerilip qalǵan. «Sýbarý» kóligi ekpinimen baryp jol shetinde turǵan «Aýdı A-6» kóligine soǵylǵan.
Jol apatynan 3 adam japa shekken. Olar jedel járdem kóligimen aýrýhanaǵa jetkizildi.
