Almatyda Leksýs baǵanǵa soǵylyp, júrgizýshisi kóz jumdy
ALMATY. QazAqparat - Almatynyń Súıinbaı dańǵyly men Bogdan Hmelnıtskıı kóshesiniń qıylysynda Leksýs kóligi baǵanǵa soǵylyp, júrgizýshi aýyr jaraqattan qaza tapty, dep habarlaıdy QazAqparat tilshisi.
Kýágerlerdiń aıtýynsha, Leksýs kóligi soltústik baǵytta kele jatqan.
«Júrgizýshi qatty jyldamdyqpen kele jatty. Rólge ıe bola almaǵan bolýy múmkin. Kóligi syrǵyp baryp, kóshe shamdarynyń baǵanyna soǵyldy», - dedi oqıǵa kýágeri.
Qatty soqqydan kóliktiń aldyńǵy bóligi búktelip qalǵan. Oqıǵa ornyna qutqarýshylar shaqyrtylyp, maıysqan temirlerdi kesip, ishinen júrgizýshini shyǵarǵan.
Júrgizýshiniń esin jımastan aýrýhanada kóz jumǵany belgili boldy. 
