Almatyda lańkestikke qatysy bar degen kúdikpen 1237 adam ustaldy
ALMATY. QazAqparat - Almaty komendatýrasynyń aqparat ortalyǵy qaladaǵy jaǵdaı týraly qysqasha maǵlumat berdi, dep habarlaıdy QazAqparat tilshisi.
Komendatýra málimetinshe, qaladaǵy myna aımaqtar qylmyskerlerden tazartyldy: Áýezov, Alataý jáne Medeý aýdandarynyń aýmaǵy, sondaı-aq «Ójet» yqshamaýdany men Almaty halyqaralyq áýejaıyna shekaralas aýmaqta lańkesterden tazartý jumystary júrgizildi.
«Lańkestik, tonaý jáne basqa da qylmystardyń 1237 qatysýshysy ustaldy. 31 birlik atys qarýy men 1428 oq-dári tárkilendi. Blok-posttarda 38 adam ustaldy «102» basqarý pýltine nebári 608 habarlama kelip tústi»,- delingen habarlamada.
Sonymen qatar, komendatýranyń koll-tsentrine azamattardan jedel áreket etýdi talap etetin 253-i dabyl tústi.
