Almatyda lańkestikke qarsy operatsııa kezinde 5 adam qaza tapty - Almaty ІІD

ALMATY. QazAqparat- Almatyda lańkestikke qarsy operatsııa barysynda 5 adam qaza taýyp, 7 adam jaraqat aldy. Bul týraly Almatyda ótkizilgen baspasóz brıfıngi barysynda Almaty qalalyq terrorızmge qarsy kúres boıynsha shuǵyl shtabynyń resmı ókili Saltanat Ázirbek málim etti.

Onyń aıtýynsha, kúdikti ustaldy.

«Qaza tapqan bes adamnyń úsheýi - polıtsııa qyzmetkerleri. Qalǵandary - azamattyq tulǵalar. Jeti adam jaraqat aldy. Olarǵa der kezinde medıtsınalyq kómek kórsetildi. Kúdikti - bir adam. Ol 27 jastaǵy Qyzylorda oblysynyń turǵyny. Ustaý barysynda ol qarsylyq kórsetti. Qarýsyzdandyrý áreketi barysynda ol jaraqattandy. Qazir qamaýǵa alyndy. Sonymen qatar, lańkestikke qarsy operatsııa barysynda qylmyskerdiń sybaılasy bolýy múmkin degen kúdikpen taǵy birneshe adam ishki ister organdaryna jetkizildi. Qazir olardyń qylmysqa qatysy bary-joǵy tekserilip jatyr. Bul atalǵan derekter QR Qylmystyq Kodeksiniń 99-shy babynyń 2-shi tarmaǵy, 269- shy babynyń 2-shi tarmaǵy jáne 380-shi babynyń 2-shi tarmaǵy boıynsha sotqa deıingi biryńǵaı tergeý tizilimine engizildi», - dedi S. Ázirbek.