Almatyda lańkestikke qarsy arnaıy operatsııa bastaldy - Almaty komendantýrasy
Komendatýrada málim etkendeı, tártipsizdikti jaqtaýshylar qalaǵa úlken shyǵyn keltirdi. Quqyq qorǵaý organdarynyń tártip pen qaýipsizdikti qamtamasyz etý jónindegi zańdy áreketterine qarsy boldy.
«Ekstremıster bızneske zııan keltirip, tonaýshylyqqa barýda. Sonymen qatar, olar beıbit turǵyndardyń ómiri men densaýlyǵyna qaýip tóndirip, medıtsına qyzmetkerleriniń jumysyna kedergi keltirip, emhanalar men aýrýhanalarǵa zııan keltiredi.
Almatydaǵy bandıttik toptardyń joǵary deńgeıde uıymdastyrylýy shetelde shyndap daıyndyqtan ótkenin aıǵaqtaıdy. Olardyń Qazaqstanǵa shabýyly – basqynshylyq áreket, memlekettiń tutastyǵyna nuqsan keltirý áreketi.
Beıbitshilik pen turaqtylyqty qamtamasyz etý maqsatynda Memleket basshysy Qasym-Jomart Toqaev UQShU boıynsha áriptesterine kómek surap júgindi. Bul shara memleketti syrtqy qaterden qorǵaý úshin qajet.
Qalada tártip ornatý maqsatynda lańkestikke qarsy arnaıy operatsııa bastaldy. Bizdiń ál-aýqatymyzben bolashaǵymyzǵa qaýip tóndiretin lańkestik pen bandıtızm áreketterin birge toqtata alamyz.
Almaty qalasynyń komendatýrasy turǵyndardy tynyshtyq saqtap, quqyq qorǵaý organdaryna konstıtýtsııalyq tártipti ornatýǵa jáne qoǵamdyq qaýipsizdikti ornatýǵa járdem kórsetýge shaqyrady», - delingen resmı málimdemede.
