Almatyda lańkesterdiń qolynan qaza tapqan ofıtser Sándibek Haırovty aqtyq saparǵa shyǵaryp saldy

ALMATY. QazAqparat - Almatyda qalany qorǵaý kezinde lańkesterdiń qolynan qaza tapqan Qarýly Kúshterdiń ofıtseri Sándibek Haırovty aqtyq saparǵa shyǵaryp saldy, dep habarlaıdy QazAqparat tilshisi.

35-gvardııalyq desanttyq-shabýyl brıgadasy komandıriniń orynbasary podpolkovnık Sándibek Haırov áskerı qyzmetshilerdi qala ákimdiginiń shabýyl jasalǵan ǵımaratynan shyǵardy, biraq ózi qorǵana almady.

Almaty ákimi Baqytjan Saǵyntaev marqumnyń týystary men jaqyndaryna kóńil aıtty.

Onyń erligi árqashan batyldyq pen ofıtserlik abyroıdyń úlgisi, áskerı boryshyn atqarýdyń ónegesi bolady.

«Qaza tapqan áskerı qyzmetshilerdi, quqyq qorǵaý organdarynyń qyzmetkerlerin eske alý Respýblıka alańynda ornatylatyn memorıalda máńgi saqtalady. Bul bizdiń elimizdi terrorısterden qorǵap, beıbitshilikti saqtap, azamattardyń qaýipsizdigin qamtamasyz etkenderdi eske alý úshin urpaqtarǵa arnalady», - dedi Baqytjan Saǵyntaev.

Qala ákimi Sándibek Haırovtyń otbasyna materıaldyq kómek kórsetilgenin, sondaı-aq páter bólinetinin aıtty.

Marqumnyń artynda jubaıy men eki balasy qaldy.