Almatyda Land Cruiser aǵashqa soǵylyp, er adam jaraqattandy
ALMATY. QazAqparat - Almatyda Land Cruiser Toyota avtomobıline qaqtyǵysýdan keıin aǵashqa soǵyldy. Jeńil mashınanyń júrgizýshisi aýrýhanaǵa jatqyzyldy, dep habarlaıdy «QazAqparat» HAA tilshisi oqıǵa ornynan.
Jol-kólik oqıǵasy Saın kóshesiniń ıÝrıı Kım kóshesine janasqan aýmaǵynda boldy. Djıp Saınnan soltústik baǵytqa kele jatyp, Shalıapın kóshesine burylý úshin oń qaptalǵa shyqpaq bolǵan. Osy kezde ıÝrıı Kım kóshesinde toqtap turǵan Toyota ornynan birden qozǵalyp Saın kóshesine qaraı ońǵa burylady.
Soqtyǵysý saldarynan Toyota mashınasynyń jartysy japyrylyp, ushyp ketken, al djıp aǵashqa soǵylǵan. Toyota júrgizýshisi aýrýhanaǵa jatqyzyldy. Apatqa kimniń aıypty ekendigin polıtsııa anyqtaıtyn bolady.
