Almatyda laǵmanhanadan órt shyqty: zardap shekkender bar
ALMATY. QazAqparat - Almatyda Masanchı 92 mekenjaıy boıynsha ornalasqan laǵmanhanadan órt shyqty. Tótenshe jaǵdaı saldarynan 1 áıel jeńil dárejede kómir qyshqyl gazymen ýlanyp, Jedel járdem aýrýhanasyna jetkizildi.
Qalalyq TJD baspasóz hatshysy Aınur Dúısenovanyń aıtýynsha, órt týraly habarlama túski 13:29-da túsken. Tilsiz jaý 80 sharshy metrdi jalmaǵan. Órt 14:15-te óshirildi.
«Órtke qarsy qyzmet ókilderiniń shuǵyl áreketiniń arqasynda jalynnyń jaqyn ornalasqan 2 ǵımaratty sharpýyna jol berilmedi», - dedi Aınur Dúısenova.
