Almatyda lagerge joldamany elektrondy túrde alýǵa bolady
ALMATY. QazAqparat - Almatyda birinshi ret qala syrtyndaǵy balalar lagerine joldamany elektrondy túrde alý múmkindigi iske qosyldy. Degenmen, bul tizimge barlyq balany ala bermeıdi, dep habarlaıdy QazAqparat tilshisi.
Almaty qalalyq bilim basqarmasynda habarlaǵandaı, balalardyń lagerde demalýyna jergilikti bıýdjetten 232 mln teńge bólingen. Bul 400-den astam balany tegin demalyspen qamtýǵa jetedi.
2019 jyly qala syrtyndaǵy lagerde demalýǵa ótinishti tek jeńildigi bar azamattar ǵana bere alady. Bul - az qamtylǵan jáne kópbalaly otbasynyń balalary, sondaı-aq erekshe qajettiligi bar baldyrǵandar. Búgingi tańda 4 lager jetkinshekterdi qabyldaýǵa daıyn tur.
