Almatyda qyzymen birge týrısterdi aldap soqqan áıel ustaldy

ALMATY. QazAqparat – Almatyda týrızm salasynda qyzymen birge alaıaqtyq jasaǵan áıel ustaldy, dep habarlaıdy QazAqparat tilshisi.

Polıtseılerdiń aıtýynsha, 1972 jyly týǵan áıel 1992 jylǵy qyzymen birge Almatyda týrıstik qyzmet kórsetý kásibin qolǵa alady. Biraq bıyl qystan beri klıentterinen bılet brondamaı aqsha ala bastaǵan.

«Klıentter Egıpette, BAÁ, Túrkııada demalý úshin jarty aqshasyn tólegen. «Alıans.Týr.K» týrfırmasy olardan 300 myńnan 1,5 mıllıonǵa deıin aldyn ala aqsha alǵan. Ol aqshanyń bárin óz qajetine jumsap jibergen de, ýaqyt sozyp júre bergen. 10-nan astam adam aldanǵan. Qazir kúdiktiler ustalǵan. Alaıaqtyq babymen sotqa deıingi tergep-tekserý júrip jatyr», - dep málimdedi Almaty qalasy Almaly aýdanynyń polıtsııa basqarmasynyń bastyǵy Esen Ysqaqov.

Avtory: Danııar Dáýitálıev