Almatyda qyzmet kórsetý salasynyń keı sektorlary tolyq jumys rejımine kóshedi
NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev 20 sáýirden bastap Almatyda qyzmet kórsetý salasynyń keıbir sektorlary tolyq jumys rejıminde isteıtinin aıtty, dep habarlaıdy QazAqparat tilshisi.
«Almaty qalasy boıynsha sáýirdiń úshinshi onkúndiginde ónerkásiptiń barlyq salalary, qoımalaý, qurylys, ekinshi deńgeıdegi bank qyzmetkerleriniń 50 paıyzyna deıin, qyzmet kórsetý salasynyń keıbir sektorlary tolyq jumys kúni rejımine kóshedi», - dedi mınıstr telearna arqyly ótken onlaın brıfıng barysynda.
Onyń sózine qaraǵanda, osy oraıda Almaty qalasynda 128 myń adam jumysyn jalǵastyrady.
Budan buryn habarlanǵandaı, Dáýren Abaev Nur-Sultan men Almaty qalalarynda aýrý juǵý qaýpi eń az degen kásiporyndar iske qosylatynyn aıtty.
Sonymen qatar, mınıstr elordada 20 sáýirden bastap jumysy jandanatyn kásiporyndardy atady.
