Almatyda qyzdy tonaǵan jigit vıdeoǵa túsip qaldy

ALMATY. QazAqparat- Almatyda qyzdy tonaǵan jigit vıdeoǵa túsip qaldy, dep habarlaıdy QazAqparat tilshisi.

Almaty qalalyq Polıtsııa departamenti taratqan málimetke sáıkes, kúdikti ustaldy. Ol - 22 jastaǵy Túrkistan oblysynyń týmasy.

«Kúdikti qarańǵyda bir qyzdyń sońyna túsip, eshkim joq jerde oǵan shabýyl jasap, uıaly telefonyn tartyp alǵan. Abyroı bolǵanda, jábirlenýshi zardap shekken joq. Onyń sózderimen qylmyskerdiń boljamdy beınesin jasadyq, beınebaqylaý júıelerin qarap shyqtyq. Qarasaı batyr kóshesine ornatylǵan kameralardyń birinde ury óziniń jábirlenýshisiniń sońynan ergen sáti túsip qalǵan. Bul derekter tonaý faktisi boıynsha QR QK-niń 191-baby 2-bóligimen tergelgen qylmystyq is materıaldaryna tirkeldi», – dedi Almaly aýdandyq Polıtsııa basqarmasynyń bastyǵy Esen Ysqaqov.

Onyń aıtýynsha, qazir kúdikti ýaqytsha ustaý ızolıatoryna qamaldy.