Almatyda qyzdy óltirip, denesin órtep jibergen kúdikti ustaldy
Almaty qalalyq polıtsııa departamenti baspasóz qyzmetiniń habarlaýynsha, kúdikti ustalyp, qamaýǵa alyndy.
«S. esimdi kúdikti Almaty qalasynyń mańynda ustaldy. Qylmystyq is júrgizý kodeksiniń 128-baby boıynsha ol ýaqytsha ustaý ızolıatoryna qamaldy. Keshendi tergeý jumystary jalǵasyp jatyr», - dedi Medeý aýdandyq polıtsııa basqarmasynyń bastyǵy Dáýren Ótebaev.
Eske salaıyq, bul aqparat áleýmettik jelilerde taraǵan bolatyn.
«Almatyda Dostyq 138, «Latıfa» turǵyn úı kesheninde qyzdy óltirdi. Aldymen býyndyryp óltirip, artynan órtep jibergen. Bul týraly úndemeı qalmańyz! Qazir ýchaskelik polıtseıler onyń jezókshe bolǵanyn aıtyp jatyr», - delingen jazbada.
Polıtsııa departamenti jábirlenýshiniń jeńil júristi áıel ekendigi týraly aqparat shyndyqqa janaspaıtynyn aıtqan bolatyn.