Almatyda qyzdardy jezókshelikpen aınalysýǵa májbúrlegen qylmystyq top quryqtaldy
ASTANA. Jeltoqsannyń 14-i. QazAqparat /Aıdar Ospanalıev/ - Іshki ister mınıstrliginiń ókilderi eldegi adam saýdasymen baılanysty qylmystardyń jolyn kesý men olardy ashý maqsatynda jeltoqsannyń 7-si men 11-i aralyǵynda elde «Stop-trafık» jedel-saýyqtyrý sharasyn ótkizdi.
Atalmysh sharanyń nátıjelerimen búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov tanystyrdy, dep habarlaıdy QazAqparat.
Onyń aıtýynsha, shara aıasynda qoldanylǵan sharalardyń nátıjesinde adam saýdalaýdyń 1 faktisi men 1 kámeletke
tolmaǵan jasóspirimdi saýdalaý áreketi anyqtalǵan. Sondaı-aq
4 boıjetkendi jezókshelipen aınalysýǵa májbúrleý jáne 27 prıton uıymdastyrý faktileri anyqtalǵan. «Jedel saýyqtyrý sharasy kezinde 55 jeńgetaı men jezókshelikpen aınalysyp júrgen 371 adam anyqtalyp esepke alyndy. Іshki ister organdarynyń arnaıy bólimderine aty-jónderin anyqtaý úshin 127 adam qamaýǵa alyndy. Olardyń 18-i aqyǵa ıntımdi qyzmet kórsetip júrgen kámeletke tolmaǵan jasóspirimder bolyp otyr. Ustalǵandardyń 43-i TMD azamattary bolyp shyqty», dedi departament bastyǵy.
Onyń málimetterinshe, jeltoqsannyń 9-y kúni qyzylordalyq tártip saqshylary Jańaqorǵan qalasynyń 39 jasar azamatshasyn ustaǵan. Ol kámelettik jasqa tolmaǵan eki jasóspirimdi Taraz qalasynyń meımanhanalary men saýnalarynda seksýaldyq qyzmet kórsetýge májbúrlegen. Atalmysh azamatshaǵa qarsy qylmystyq is qozǵaldy.
Al Jambyl oblysynda Qyrǵyzstan azamatshasyn jezókshelikpen aınalysýǵa májbúrlegen qalanyń 35 jasar turǵyny ustaldy. Sondaı-aq Almatyda 20 men 25 jas aralyǵyndaǵy birneshe qyzdy aldaý arqyly jezókshelikpen aınalysýǵa ıtermelegen 3 adamnan turatyn qylmystyq top quryqtaldy.
