Almatyda qyzdardy tunshyqtyryp, tonap júrgen kúdikti ustaldy
NUR-SULTAN. QazAqparat – Almatylyq polıtseıler túngi ýaqytta qyzdardy tunshyqtyryp, tonap júrgen kúdiktini ustady, dep habarlaıdy QazAqparat Polisia.kz saıtyna silteme jasap.
Almaly aýdandyq polıtsııasynyń habarlaýynsha, esh jerde jumys istemeıtin 20 jastaǵy A. qylmysyn tek túngi ýaqytta jasaǵan. Jolda jalǵyz kele jatqan qyzdarǵa arttan tap berip, tunshyqtyryp, sodan keıin barlyq baǵaly zattaryn alyp ketip otyrǵan.
«Jedel izdestirý is-sharalary barysynda 20 jastaǵy Jambyl oblysynyń turǵyny ustaldy. Qazirgi ýaqytta tonaý boıynsha úsh derekti anyqtadyq. Bir epızod beınebaqylaý kameralaryna túsip qalǵan. Qyzdar tótep bere almaıtyn jaǵdaıǵa jetken kezde, ol barlyq qundy zattaryn: uıaly telefon, aqshasyn alyp, qarańǵy kóshelerde tyǵylyp qaldy. Sondaı-aq, qaskóı jábirlenýshiden tartyp alǵan aqshamen dúkende tólem jasap jatqan derek te tirkeldi. Jas jigit óz isin moıyndady. Qazir kúdiktiniń jeke basy qala aýmaǵynda osyǵan uqsas, buryn jasalǵan qylmystarǵa qatysy bar-joǵyna tekserilip jatyr. Sotqa deıingi tergeý amaldary bastaldy», - dedi Almaly aýdandyq polıtsııa basqarmasynyń bastyǵy Esen Ysqaqov.
Foto: polisia.kz
