Almatyda qyzdar arasynda bokstan Qazaqstan chempıonaty ótedi
ASTANA. QazAqparat - Qańtardyn 23-i men 27-i aralyǵynda Almatyda qyzdar arasynda Qazaqstan birinshiliginiń jalaýy jelbireıdi, dep habarlaıdy QazAqparat.
Jarys mamandyrylǵan joǵary sport sheberligi mektebinde uıymdastyrylady. Chempıonat AIBA erejelerimen bekitilgen 10 salmaq dárejeleri boıynsha ótedi: 48, 51, 54, 57, 60, 64, 69, 75, 81, +81 kg.
Jeńimpazdar men júldegerler dıplomdar jáne medaldarmen marapattalady. Sonymen qatar, «Úzdik tehnıka úshin», «Jeńiske degen jigeri úshin» jáne «Úzdik tóreshi» nomınatsııalary boıynsha syılyqtar tabystalady.
Chempıonattyń basty maqsaty elimizdegi boksty násıhattaý jáne ony buqaralyq damytý, sonymen qatar, jastar (qyzdar) arasyndaǵy Qazaqstan qurama komandasyn jasaqtaý úshin myqty boksshylardy aıqyndaý bolyp tabylady.
Chempıonat QR Mádenıet jáne sport mınıstrligi, Dene shynyqtyrý jáne sport isteri komıteti, Almaty qalasynyń Dene shynyqtyrý jáne sport basqarmasy, Almaty qalasynyń boks federatsııasynyń qoldaýymen ótkiziledi.
Jarystyń ashylý saltanaty 23-shi qańtar, saǵat 14:30-ǵa josparlanǵan.
Sportshylardyń salmaq ólsheý rásimi kúndelikti saǵat 08:00-den 09:00-ge ótedi.
Kúndelikti jarys: 12:00 bastalady.
