Almatyda «Qyz Jibek» jyrynyń DVD nusqasy shyqty
ALMATY. Qazannyń 23-i. QazAqparat /Ernar Beken/ - Almatyda «Qyz Jibek» jyrynyń tolyq nusqasy DVD formatynda jaryq kórdi.
Halyq aýyz ádebıetiniń sandyq úlgidegi jazbasy búgin Ulttyq baspasóz klýbynda tanystyryldy, dep habarlaıdy QazAqparat.
Bul bastama jyrdyń 500 jyldyq mereıtoıyna oraı qolǵa alynyp otyr. Ony QR Mádenıet jáne aqparat mınıstrliginiń qoldaýymen «Jeruıyq» qoǵamdyq birlestigi shyǵaryp otyr. Týyndynynyń maqamy men mátinin Muhtar Ótebaev pen Farıda Sháripova dybystaǵan.
«Jeruıyq» qoǵamdyq birlestiginiń tóraǵasy Bolatbek Tólepbergenniń aıtýynsha, atalǵan sharadan basqa, «Qyz Jibek» jyryn nasıhattaýǵa arnalǵan taǵy da birqatar is-sharalar qolǵa alynbaq.
«Qyz Jibek» jyryn keńinen nasıhattaý maqsatynda Almaty qalasynda qoǵam qaıratkerleriniń, tarıhshy-ǵalymdardyń jáne mýzykanttardyń qatysýymen halyqaralyq ǵylymı-tájirıbelik konferentsııalar ótkiziledi. Buǵan qosa oblys aımaqtarynda respýblıkalyq dóńgelek ústelder, konferentsııalar uıymdastyrý josparlanyp otyr», - deıdi B. Tólepbergen.
Sonymen qatar «Jeruıyq» qoǵamdyq birlestigi «Qyz Jibek» jyrynyń mýzykalyq-tanymdyq radıo-spektaklin (radıo-fılm) jasap, tyńdarman nazaryna usynbaq.
