Almatyda qyz balany qorqytyp, telefonyn tartyp alǵan er adam izdestirilip jatyr
ALMATY. QazAqparat - Almaty polıtsııasy oqýshy qyzdyń telefonyn tartyp alǵan er adamdy izdestirip jatyr. Bul týraly QazAqparat tilshisine qalalyq polıtsııa departamentiniń resmı ókili Saltanat Ázirbek aıtty.
Oqys oqıǵa №188 avtobýs marshrýtynda bolǵan. Qoǵamdyq kólik Tóle bı-Nazarbaev kósheleriniń qıylysyna kelgende salon ishinde er adam oqýshy qyzdyń telefonyn alyp qoıǵan. Artynan qýyp jete almaǵan qyzdar qylmysker ketip bara jatqanda sýretke túsirip úlgergen.
«Bul derek boıynsha aryz qabyldandy. Qylmysty ashý maqsatynda jedel tergeý toby quryldy. Áleýmettik jelidegi sýret is materıaldaryna qosylyp, tolyq tekseriletin bolady. Qylmys Almaly men Medeý aýdandarynyń qıylysynda bolǵandyqtan, bul isti ashýǵa eki aýdannyń da polıtsııa qyzmetkerleri jumyldyryldy. Qazir kúdiktiler izdestirilip jatyr. Ázirge tabyla qoıǵan joq», - dedi Saltanat Ázirbek.
Foto: www.instagram.com/kris_p_kz
