Almatyda qytaılyq kásipkerge qaraqshylyq shabýyl jasaǵandar qolǵa tústi
ASTANA. 13 sáýir. QazAqparat - Almatyda qytaılyq kásipkerge qaraqshylyq shabýyl jasaǵan 2 adam quryqtaldy.
Bul aqparatty QR Іshki ister mınıstrliginiń baspasóz qyzmeti taratyp otyr.
Vedomstvonyń atap ótýinshe, Almaty qalasynyń polıtsııa qyzmetkerleri Qytaı Halyq Respýblıkasynyń kásipkerine qaraqshylyq shabýyl jasaǵany úshin Ózbekstan Respýblıkasynyń 38 jastaǵy azamaty men Pavlodar qalasynyń 23 jastaǵy turǵynyn ustady.
«Qazirgi ýaqytta kúdiktiler qamaýǵa alyndy. Sonymen qatar olardyń osyǵan uqsas ashylmaǵan qylmystarǵa qatystylyǵy tekserilip, qaraqshylyq shabýyldyń basqa da qatysýshylaryn anyqtaý boıynsha sharalar qabyldanýda», - delingen baspasóz habarlamasynda.
