Almatyda qysqy maýsymǵa daıyndyq jumystary qalaı júrip jatyr
Almaty ákimdigi habarlaǵandaı, qala ákimi Erbolat Dosaev qalanyń aldaǵy jylytý maýsymyna daıyndyǵy boıynsha shtabtyń kezekti keńesin ótkizdi. Jóndeý jáne daıyndyq jumystarynyń aralyq qorytyndylary týraly Energetıka jáne sýmen jabdyqtaý basqarmasy, «Almaty jylý jelileri» JShS, «Almatyteplokommýnenergo» JShS, «Almaty Sý» MKK, «Almaty elektr stantsııalary» AQ, «Alataý Jaryq kompanııasy» AQ, «Qaztransgazzaımaq» AQ jáne t. b. basshylary baıandady.
Energetıkterdiń aqparatyna sáıkes, qalalyq jylý energetıkalyq keshenniń jylý berý kezeńine daıyndyǵy josparǵa sáıkes júrýde jáne ol 75,6%-ǵa daıyn. Bul rette gaz jelileriniń daıyndyǵy – 76,7%, sýmen jabdyqtaý – 80%, elektr jelileri – 72%. Qalanyń qysqy maýsymǵa daıyndyǵy 1 qazanǵa deıin 100% qamtamasyz etiletin bolady. Jylýaralyq kezeńde Almatyda 17,7 shaqyrym jylýmen jabdyqtaý, 120 shaqyrym elektrmen jabdyqtaý, 43 shaqyrym sýmen jabdyqtaý, 29 shaqyrym gazben jabdyqtaý jelileri qaıta jańartylyp, jóndelip jatyr. Tutynýshylarǵa úzdiksiz jylý berýdi qamtamasyz etý úshin «Almatyjylýkommýnenergo» JShS-nyń 84 qazandyǵyn jóndeý jumystary júrgizilýde.
Daıyndyq jumystary «Almaty elektr stantsııalary» AQ nysandarynda: energetıkalyq generatsııalaıtyn jabdyqqa jóndeý jumystary júrgizilgen. JEO-2-niń bes qazandyǵyn jóndeý aıaqtaldy, bul megapolıs turǵyndaryn jylytý maýsymynda jylýmen qamtamasyz etýge múmkindik beredi. Sonymen qatar bekitilgen kestege sáıkes bıyl qarasha aıyna josparlanǵan qosymsha 3 qazandyqty jóndeý jumystary qazan aıynyń sońyna deıin aıaqtalady. Bul sharalar jylytý maýsymyn ýaqytyly bastaýǵa jáne qyrkúıek aıynyń sońynda aınalymdy burýǵa múmkindik beredi.
Keńes barysynda Erbolat Dosaev áleýmettik nysandar men turǵyn úılerdi kúzgi-qysqy kezeńge daıyndaý máselesine erekshe nazar aýdardy. Bul rette turǵyn úı qorynyń daıyndyǵy – 59,5%, bilim berý obektileri – 76,2%, densaýlyq saqtaý 66,4% daıyn. Keńes qorytyndysy boıynsha qala ákimi jylýmen jabdyqtaý obektilerindegi daıyndyq jumystarynyń barysyn baqylaýǵa, rekonstrýktsııalaý aıaqtalǵan soń Bostandyq aýdanynyń 200 myńnan astam tutynýshysyn, sondaı-aq salynyp jatqan turǵyn úı keshenderin jylýmen qamtamasyz etetin ıÝjnyı aýdandyq qazandyǵyna erekshe nazar aýdardy.
Sondaı-aq qala basshysy osy jyldyń 1 qyrkúıegine deıin jol jabyndysyn jáne basqa da oryndardy qalpyna keltirý boıynsha barlyq jumysty aıaqtaý týraly tapsyrma berdi. Aıta keteıik, qaladaǵy nysandardy aldaǵy jylytý maýsymyna daıyndaý máseleleri boıynsha keńes aı saıyn ótetin bolady.
