Almatyda Qysqy Azııa oıyndaryna eriktiler daıyndaý dáristeri bastalady
/strong>Maýsymnyń 17-si. QazAqparat /Erbol Azanbek/ - Búgin Almatyda aldaǵy Qysqy Azııa oıyndaryna qyzmet etýshi eriktilerdi daıyndaýǵa arnalǵan arnaıy baǵdarlamanyń tanystyrylymy ótti.
Azııa oıyndary Almaty dırektsııasynyń dırektory Sultanmahmut Shoqpytovtyń aıtýynsha, baǵdarlamanyń jasalýyna reseılik mamandar qatysqan. «Reseıde eriktilik qyzmeti jaqsy damyǵan, sondyqtan baǵdarlamnyń jasalýyna reseılikter atsalysyp otyr. Baǵdarlamanyń maqsaty Azııa oıyndaryna qatysýshy eriktilerdi tııanaqty daıyndyqtan ótkizý. Óıtkeni sharanyń sátti ótýine olardyń da úlesi mol. Máselen, áýejaı, aqparattyq ortalyqtar, qonaqtar men sportshylardyń turaq orny, tamaqtanýy, qalany aralatý, aýdarmashylyq qyzmet eriktilerge júkteledi», deıdi S.Shoqpytov.
Onyń sózine qaraǵanda, baǵdarlama aıasynda jaz kezinde 50 erikti stýdent oqytylady. Olarǵa eltaný, Azııa elderiniń tarıhy, saıasaty men ekonomıkasy, moraldyq jáne psıhologııalyq daıdyndyq, pıar men brendıng syndy sabaqtar ótkiziledi. Baǵdarlamany jasaǵan reseılik mamandar eriktilerdiń bul úlken sharaǵa qatysýy bolashaq qyzmetin aıqyndaýǵa de septigin tıgizýi múmkin deıdi.
