Almatyda Qysqy Azııa oıyndary Alaý estafetasynyń gımni, estafeta atrıbýttary men alaýgerler kıimderiniń tanystyrylymy ótedi

Bul týraly Azııa oıyndary men Alaý estafetasyn ótkizý jónindegi Astana qalalyq dırektsııadan málim etti.

Jýrnalısterge arnalǵan baspasóz máslıhatynda Astana qalalyq dırektsııasynyń basshylyǵy men «Qazaqstannyń Halyq banki» AQ Basqarma tóraǵasynyń arasynda seriktestik týraly kelisimge qol qoıylady. Osy kelisimge sáıkes, eldiń bas Banki «Alaý saqshysy» dárejesin alatyn bolady.

Baspasóz máslıhatynda estafeta kezinde Alaýdy banktiń óńirlerdegi fılıaldarynda saqtaý sharttary týraly egjeı-tegjeıli aıtylatyn bolady. Sondaı-aq Alaý estafetasynyń gımni, estafeta atrıbýttary men alaýgerler kıimderiniń tanystyrylymy ótedi dep kútilýde.