Almatyda qyrkúıek aıynan bastap bilim berý uıymdaryn memlekettik attestattaý bastalady
ALMATY. QazAqparat - Almatyda jańa oqý jylynan bastap bilim berý mekemelerinde memlekettik attestattaý ótedi.
Bul týraly onlaın brıfıng barysynda Almaty qalasynyń bilim salasynda sapany qamtamasyz etý departamentiniń basshysy Gúlnar Ermekbaeva málim etti, dep habarlaıdy QazAqparat tilshisi.
Onyń aıtýynsha, attestattaý qaladaǵy bilim sapasyn jaqsartýǵa múmkindik beredi.
Elimizde 2017 jyldan bastap bilim berý mekemeleri kóshpeli komıssııalardy iriktedi. Endi barlyq uıymdar attestatsııadan bes jylda bir ret ótedi. Bul rette negizgi jumys mekemelerdiń ózderine júkteledi.
«Memlekettik attestattaý profılaktıkalyq baqylaý nysanyna barmaı-aq ótkiziledi. Ol mektepke deıingi uıymda, mektep, kolledj, áskerı jáne arnaıy joǵary oqý oryndarynda ótedi. Menshik nysany vedomstvolyq júıege qaramastan mekemelerdiń barlyq túrlerin qamtıdy. Mektep, kolledj, balabaqshalar oqýshylardyń bilimin tekserý, ata-analarǵa saýalnama júrgizý, bilim berý uıymynyń ózin-ózi baǵalaýy arqyly iske asady», – dedi spıker.
Sonymen qatar, ol halyqaralyq tájirıbede keńinen qoldanylatyn bilim berý uıymdarynyń ózin-ózi baǵalaýy týraly aıtty.
«Mekeme usynatyn bilim sapasyn ózderi taldaýy kerek. Bul júıe bilim berý tájirıbesin jetildirýge baǵyttalǵan. ıAǵnı, memlekettik attestattaýdy ótkizý ókilettigi negizinen bilim berý uıymdaryna júkteledi», – dedi Gúlnar Ermekbaeva.
Bastaýysh synyp oqýshylary eki pán boıynsha, joǵarǵy synyp úsh jáne tórt pán boıynsha test tapsyrady. Tehnıkalyq jáne kásiptik bilim berý uıymdarynda stýdentterdiń bilimin eki beıindik pán boıynsha tekseredi. Mektepke deıingi tárbıe men oqytý deńgeıinde ata-analarǵa saýalnama júrgiziledi.
Bes jyl ishinde barlyq balabaqsha, mektep pen kolledjder memlekettik attestattaýdan ótedi. Bul bilim berý sapasyn jaqsartady ári uıymdardyń dárejesi artady.
Aıta keteıik, Almatyda 207 memlekettik jáne 67 jekemenshik mektep, 189 memlekettik pen 643 jeke menshik balabaqsha, 96 kolledj, 39 joǵary oqý orny bar.
Olardyń barlyǵy attestatsııadan ótedi.
