Almatyda Qyrǵyzstandaǵy tóńkeristiń saldary men zardaby talqylanbaq
ALMATY. Sáýirdiń 15-i. QazAqparat - Almatyda QR Prezıdenti janyndaǵy Qazaqstan strategııalyq zertteýler ınstıtýtynda (QSZI) erteń, sáýirdiń 16-synda «Qyrǵyzstandaǵy tóńkeris: saldary men zardaby» taqyrybymen «dóńgelek ústel» jıyny ótedi.
Kórshiles ári baýyrlas eldegi qaıǵyly oqıǵalar Ortalyq Azııa elderi men TMD-daǵy qoǵamdastyqtyń keń aýmaǵynda alańdaýshylyq týǵyzyp otyr. Barshaǵa málim, QR Prezıdenti Nursultan Nazarbaev Qyrǵyzstandaǵy jaǵdaıdy aldyńǵy qatarly álemdik derjavalar - AQSh pen Reseıdiń basshylarymen, halyqaralyq uıymdardyń ókilderimen kezdesýde talqyǵa saldy. Qyrǵyzstandaǵy jaǵdaıdy turaqtandyrýǵa Qazaqstannyń súbeli úles qosýyn álemdik deńgeıdegi bedeldi saıasatkerler moıyndady.
Qyrǵyzstandaǵy oqıǵalar qoǵamdastyq pen saıasatkerlerdiń oryndy alańdaýshylyǵyn týǵyzyp qana qoımaıdy, ustamdy saraptamalyq baǵalaý men taldaýdy talap etedi. Jıyn maqsaty - Qyrǵyzstandaǵy qazirgi jaǵdaıdyń áleýmettik-saıası mánin aıqyndaý. Kórshi eldegi oqıǵalardyń negizgi qozǵaýshy saldary, olardyń túpki mán-mańyzy qaralady. Munan basqa Qyrǵyz elindegi jaǵdaıdyń odan ári damýyn boljaýǵa talap jasalmaq.
«Dóńgelek ústel» jıynyna Qazaqstannyń memlekettik jáne táýelsiz taldaý júıeleriniń bedeldi sarapshylary, BAQ-tar men elimizdiń birqatar jetekshi JOO-lary ókilderi qatysady.
