Almatyda Qyrǵyz ulttyq akademııalyq drama teatrynyń qoıylymdary kórsetiledi

Ǵ.Músirepov atyndaǵy Qazaq memlekettik balalar men jasóspirimder teatrynda bolatyn bul shara Qyrǵyzstannyń Qazaqstandaǵy mádenıet kúnderi aıasynda uıymdastyrylyp otyr.

Marat Alyshbaev jetekshilik etetin T. Abdymomynov atyndaǵy Qyrǵyz ulttyq akademııalyq drama teatry Almaty turǵyndary men qonaqtaryna Sh.Sadybaqasovtyń «Aq boz at», N.Kolıadanyń «Náziktik», R.Otarbaevtyń «Taǵdyr» dramasyn usynbaq.

1926 jylǵy 1 qarashada Bishkek qalasynda qurylǵan teatr repertýaryna osy ýaqytqa deıin 500-ge jýyq qoıylym engen bolatyn. Olardyń ishinde Sh.Aıtmatov, T.Abdymomynov, A.Toqombaev, K.Eshqambetov, K.Jantoshev, K.Málikov, J.Sadyqov, M.Baıdjıev, M.Toıbaev, J.Qulmambetov, R.Saev sııaqty ulttyq jáne N.Gogol, V.Shekspır, Lope de Vega, A.Ostrovskıı, J.Moler, K.Goldonı, F.Shıller sekildi sheteldik dramatýrgterdiń ozyq týyndylary bar. Óner ordasy bıyl óziniń 78-maýsymyn 8 qazan kúni Aman Japarov rejısserligimen qoıylǵan T.Abdymomynovtyń «Ábúıir keshirmeıdi» degen qoıylymymen ashpaq.