Almatyda «Qyran-2018» atty qusbegilerdiń respýblıkalyq týrnıri ótedi
ASTANA. QazAqparat - Aqpannyń 8-i men 10-y aralyǵynda Almaty qalasynyń ıppodromynda ulttyq sport túrinen «Qyran-2018» atty qusbegilerdiń respýblıkalyq týrnıri ótedi, dep habarlaıdy QazAqparat.
Aıtýly dodanyń basty maqsaty osynaý jaqsy úrdisti elimizdiń mádenı, rýhanı ordasy - Almaty qalasynda qaıta jańǵyrtyp, qolǵa alý maqsatynda, bıyldan bastap Qyran qus baptaýshylardyń jarysyn ótkizýdi dástúrge aınaldyrý.
Respýblıkalyq týrnırge Aqmola, Atyraý, Shyǵys Qazaqstan, Qaraǵandy, Ońtústik Qazaqstan, Jambyl, Almaty oblystary men Astana qalasynan 60-qa jýyq qusbegiler qatysady.
Jarys eki kezeńnen turady: qustyń syny, qusbeginiń kıim úlgisi, qusty at ústinen qolǵa shaqyrý, shyrǵa tartý (birinshi kezeń) aıaqtalyp, iriktelgen búrkitter - fınaldyq kezeńde qoıanǵa, túlkige salynsa, jarystyń ekinshi kezeńinde qarshyǵa men ıtelgiler qolǵa shaqyrylady, kógershinge, qoıanǵa jiberiledi.
