Almatyda qymbat vıskıge sý qosyp satqandar ustaldy

ALMATY. QazAqparat - Almatyda 0,7 lıtri 18 000 teńge turatyn vıskıdi qoldan jasap kelgender ustaldy. Astyrtyn tsehta jumysshylar  ırland vıskıine arzan turatyn ishimdikterdi aralastyryp otyrǵan. 

Qalalyq Memlekettik kirister departamentiniń baspasóz qyzmeti taratqan aqparatqa sáıkes, Jedel izdestirý sharalarynyń nátıjesinde stanok, bótelkeler, qaqpaqtar tárkilendi. Bul quraldardyń barlyǵy Qytaıdan alynǵan.

Qoldan jasalǵan ishimdikter qaladaǵy túngi klýb, barlarǵa arzan baǵaǵa jetkizilip otyrǵan.

Atalǵan derekke baılanysty QR QK 233-babynyń 2-bólimimen qylmystyq is qozǵaldy.

Aıta ketý kerek, departamenttiń ekonomıkalyq tekserý qyzmeti «Kóleńkeli ekonomıkamen kúres aktsııasy» aıasynda  jyl basynan beri 12 astyrtyn tsehty áshkerelegen.

Kóleńkeli aınalymnan 462 myń bótelke ishimdik, 236 myń jalǵan eseptik marka, quny 90 mln teńge bolatyn 336 myń qorap temeki alyndy.

Sonymen qatar, mamandar Qytaıdan jalǵan eseptik baqylaý markalaryn tasymaldaýmen aınalysqan topty qolǵa túsirdi.

Olar kontrafaktilik ónim dıyndaýǵa arnalǵan barlyq quraldardy jetkizip otyrǵan.