Almatyda qymbat kóliktiń ústine shatyrdan muz qulady
ASTANA. QazAqparat - Almatyda shatyrdan túsken muz qymbat kólikti zaqymdady. «Mersedes Bents» markaly kóliktiń aldynǵy áınekteri shytynap, tóbesi maıysyp qalǵan, dep habarlaıdy KTK.
Oqys oqıǵa túski saǵat 1-ler shamasynda Medeý aýdanyndaǵy kóp qabatty úılerdiń aldynda bolǵan. Iesi mashınany ádettegideı úıiniń aldyna qoıyp ketip, aman qaldy. Endi zaqymdalǵan kólikti jóndeýge 295 myń teńge qarjy kerek eken. Júrgizýshisi ony kimnen óndirerin bilmeı dal. Ol «shatyrdaǵy qar ýaqtyly tazartylǵanda mundaı bolmas edi» deıdi. Al kommýnaldyq kyzmet bolǵan jaıtqa esh kinámiz joq dep otyr.
«Úıdiń mańaıyna kólik qoıýǵa bolmaıtyndyǵy jóninde belgi tur. Sondaı-aq árbir buryshta «Abaılańyz, muz» degen eskertýler de bar. Júrgizýshiler osy jazýlardy kóre tura, kóligin qoıyp kete beredi. Al shatyrdy qar men muzdan tazalaı almaımyz. Ol úshin arnaıy alpenıstterdi jaldaý kerek», - deıdi Medeý aýdany kommýnaldyq sharýashylyq bólimi tóraǵasynyń orynbasary Tatıana Ermolaeva.
Sondaı-aq, ol zaqymdalǵan kólikke kelgen shyǵyndy kimniń óteıtini ázirge belgisiz ekenin aıtty. Odan bólek, oǵan ózi jaýap bermeıtinin de atap ótti.
