Almatyda qymbat kólikti urlaýshy qolǵa tústi
ALMATY. Tamyzdyń 6-sy. QazAqparat /Erbol Azanbek/- Keshe túnde almatylyq polıtsııa qyzmetkerleri qymbat baǵaly BMV kóligin urlaýshyny qolǵa túsirdi,
dep habarlaıdy qalalyq ІІD-niń baspasóz qyzmeti.
Polıtsııaǵa BMV kóliginiń ıesi habarlasyp, dúkenge kirgen mezette kóligin aıdap ketkenin málim etken. Qazirgi kezde qalada «Tártip saqtaý» sharasy ótip jatqany málim. Shara aıasynda qalada kún saıyn quramynda krımınaldyq polıtsııa, jol polıtsııasy, jedel áreket etý otrıadynyń qyzmetkerlerinen quralǵan 20 «Foton» ekıpajy jumys isteıdi. Urlanǵan kólikti jedel izdestirý kezinde osyndaı ekıpajdyń biri Jandosov kóshesi boıymen Qaskeleń baǵytyna betegen urlanǵan kóliktiń izine túsken. Biraz qýǵynnyń nátıjesinde qolǵa túsken kólik urlaýshy óz kóligi ekenin aıtyp, ustaý kezinde qarsylyq kórsetken. Bunymen qatar ol qashý kezinde «Sýbarý» kóligin soǵyp, zaqym keltirgen. Qashqyndy quryqtaǵan «Foton» ekıpajy músheleriniń aıtýynsha, ustalǵan azamat araqqa sylqııa toıyp alǵan kórinedi. Qazirgi kezde onyń ústinen Áýezov aýdandyq ІІB bótenniń múlkin ıemdengeni úshin qylmystyq is qozǵady.
