Almatyda qymbat kólikterdi urlaýmen aınalysyp júrgen qaraqshylar ustaldy
ASTANA. Mamyrdyń 12-si. QazAqparat /Aıdar Ospanalıev/ - Almatynyń tártip saqshylary ótken jyldyń qazan aıynda jasalǵan qaraqshylyq áreketti áshkereledi. Onda belgisiz úsh azamat tapansha kezene otyryp, 21 jasar azamattyń «Toıota Lend Krýzer» kóligin aıdap ketken.
Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń derekterine qaraǵanda, atalmysh oqıǵa boıynsha keshendi túrde júrgizilgen jedel-izdestirý sharalarynyń barysynda jergilikti 22 jasar azamat ustalyp, odan qylmys jasalǵan qarý - «Makarov» tapanshasy tabyldy. Ustalǵan azamatqa sondaı-aq Almaty qalasynda ótken jyly jasalǵan taǵy birneshe kólik urlaý áreketterine qatysty degen kúdik keltirilip otyr. «Osy ýaqytta onyń sybaılastaryn anyqtaý jumystary júrgizilýde», dedi departament bastyǵy.
