Almatyda qymbat kólikterdi urlaýmen aınalysqan qylmystyq top quryqtaldy
ALMATY. Jeltoqsannyń 29-y. QazAqparat /Erbol Azanbek/ - Almatyda jol talǵamaıtyn «djıp» avtokólikterin urlap, kórshi elderge satýmen aınalysatyn qylmystyq top quryqtaldy,
dep habarlaıdy QazAqparat.
Polıtsııa qyzmetkerlerine qarashanyń 11-i kúni Almatynyń Bostandyq aýdanynda adam ólimi bolyp, onyń kóligi urlanǵany týraly habar kelip túsken. Jedel tekserý sharalary kásipkerdi onyń «Toıota Land Krýzer» kóligin ıemdený maqsatynda óltirgenin anyqtaǵan. «Qylmysty ashý úshin jedel-izdestirý toby quryldy. Jedel sharalar nátıjesinde kásipkerdi óltirip, kóligin kórshi Qyrǵyzstanǵa jetkizýdi kózdegen qylmystyq top músheleri quryqtaldy» deıdi qalalyq ІІD-niń krımınaldyq polıtsııa basqarmasynyń bastyǵy Amangeldi Shiderqulov.
Bunymen qatar osy tekseristerdiń nátıjesinde qazan aıynda avtoturaqtardyń birine shabýyl jasap, 2 baǵaly avtokólikti urlaǵan, 6 adamnan turatyn qylmystyq top ta ustalǵan. Bul kólikter de kórshi elden tabylǵan. Qylmysqa kúdiktiler qazir qamaýǵa alynyp, basqa qylmystarǵa qatysy bar-joǵy anyqtalýda.
