Almatyda qymbat kólikterdi urlaýmen aınalysqan qaraqshylar toby quryqtaldy
ASTANA. Qazannyń 27-si. QazAqparat /Rýslan Ǵabbasov/ - Almatyda qymbat kólikterdi urlaýmen aınalysqan 5 adamnan qurylǵan top quryqtaldy.
Bul týraly búgin Іshki ister mınıstrligi Til saıasaty jáne aqparat departamentiniń bastyǵy Qýanyshbek Jumanov málim etti.
«Júrgizgen arnaıy operatsııa barysynda 5 adamnan quralǵan top quryqtaldy. Atalǵan toptyń 1 jyl boıy Almaty jáne Almaty oblysynyń aýmaǵynda tanymal markaly kólikterdi urlaýmen aınalysqandary belgili boldy»,- dedi Q. Jumanov brıfıngte.
Onyń sózine qaraǵanda, kúdiktilerdiń turǵylyqty jerlerin tintý kezinde olardan sholaq ańshylyq myltyq, 2 vıntovka, ártúrli kalıbrli patrondar, sondaı-aq jol polıtsııasy qyzmetkeriniń kıimi men kólik esikterin ashýǵa arnalǵan kiltter, kólikterdiń memlekettik belgileri men tehnıkalyq qujattary tárkilendi.
«Іshki ister mınıstrligi Ońtústik óńirlik uıymdasqan qylmysqa qarsy kúres basqarmasynyń qyzmetkerleri Almaty oblysy ishki ister departamentimen birlesip, jedel izdestirý barysynda «Mersedes» jáne «Leksýs» markaly 4 avtomashınanyń turǵan jerin anyqtady. Bul rette urlanǵan avtomashınalar agregattarynyń derekteri qoldan soǵylyp, satylǵany belgili boldy»,- dedi departament bastyǵy.
Sonymen qatar polıtseıler urlanǵan avtokólikterdi satyp alýshylardy da ustady. Urlanǵan avtomashınalar búgingi kúnde ıelerine qaıtaryldy.
«Munymen qosa atalǵan top Almaty oblysyndaǵy kásipkerlerdiń birine qaraqshylyq shabýyl jasaǵandary úshin de kúdikti bolyp otyr. Onda 5 mıllıonnan teńgeni quraıtyn aqsha jáne altyn buıymdar qoldy bolǵan. Ustalǵandardyń osyǵan uqsas ashylmaǵan qylmystarǵa qatystylyǵy tekserilýde.
