Almatyda qymbat kólikterdi urlaǵandar ustaldy
ALMATY. QazAqparat - Almatyda jol talǵamaıtyn qymbat kólikterdi aıdap ketkender ustaldy, dep habarlaıdy QazAqpara tilshisi.
Sáýirde qala turǵyndarynan kóligin urlaǵany týraly polıtsııaǵa eki aryz túsken. Kólikterdi urlaý ár ýaqytta jáne qalanyń ár jerinde bolǵan. Urlanǵan kólikter markasy men modeli birdeı. Jedel-izdestirý sharalary barysynda polıtsııa qyzmetkerleri qala mańynan urlanǵan kólikterdi tapty.
«27-den 33 jasqa deıingi úsh kúdikti arnaıy qurylǵy kómegimen basqa adamdardyń kólikterin otaldyrǵan. Olar qalada tek «Land Cruiser 200» markaly kólikti urlaǵan. Avtokólikterdiń barlyǵyn «qara bazarda» satý maqsatynda aıdap ketken. Olar bir jol talǵamaıtyn kólikti, nómirin almaı-aq, óziniń bastapqy túrinde satyp úlgergen. Kólikti satypalýshy da anyqtaldy. Oǵan qatysty QR QK-niń 196-baby (« Kórineý qylmystyq jolmen tabylǵan múlikti ıemdený nemese ótkizý «) boıynsha qylmystyq is qozǵalyp jatyr. Urlanǵan jol talǵamaıtyn kólikter ıelerine qaıtaryldy», - dedi Almaty qalalyq PD Krımınaldyq polıtsııa basqarmasy bastyǵynyń orynbasary Rýslan Smaǵulov.
Spıkerdiń aıtýynsha, kúdiktilerdiń ekeýi buryn sottalǵan.
«Qazir QR QK-niń 188-baby 4-bóligi boıynsha sotaldy tergeý amaldary júrgizilip jatyr. Olar ýaqytsha ustaý ızolıatoryna qamaldy», - dedi Rýslan Smaǵulov.
