Almatyda qymbat kólik satamyn dep eldi aldaǵan alaıaq ustaldy
ALMATY. QazAqparat - Almatyda qymbat kólikti bólip tóleý múmkindigimen ákelip bermek bolyp, aqshany ıemdenip ketken adam ustaldy dep habarlaıdy QazAqparat tilshisi.
Qalalyq polıtsııa departamentine kúdiktiniń atyna birneshe aryz túsken.
«49 jastaǵy er adam adamdarǵa qymbat kólikterdiń sýretin kórsetip, olardy bólip tóleý múmkindigimen alyp beremin dep aldaǵan. Osylaısha klıentterinen aldymen 300-500 myń teńge kóleminde aqsha alǵan. Sosyn kólik kútken klıentter ony tappaı qalǵan. Nómirin ózgertip, joq bolyp ketken. Qazir ol ustalyp, ýaqytsha oqshaýlaý ornyna qamaldy. Oǵan qatysty QR Qylmystyq kodeksiniń 190-babymen qylmystyq is qozǵaldy. Bul kisiniń áreketinen japa shekken azamattar bosla, 8 701 833 33 90 jáne 254-48-75 nómirine habarlassyn» - dedi Medeý aýdandyq Polıtsııa basqarmasynyń basshysy Qýanysh Kúdebaev.
