Almatyda qylmystyq jolmen tabylǵan zańsyz kiristi zańdastyrýǵa qarsy áreket salasyndaǵy semınar ótip jatyr
ALMATY. 26 sáýir. QazAqparat /Erlik Erjanuly/ - Transparency International uıymynyń derekterine qaraǵanda jemqorlyqty qabyldaý ındeksi boıynsha Qazaqstan 2010 jyly álemde 105-oryn aldy.
Bul búgin Almatyda qylmystyq jolmen tabylǵan zańsyz kiristi zańdastyrýǵa qarsy áreket pen qarjylyq qylmysty joıý salasyndaǵy semınarda aıtyldy. Sharany Qazaqstan qarjygerler qaýymdastyǵy men International Compliance Accociation (ІSA) halyqaralyq kompanııasy birlesip uıymdastyrdy. Maqsat - komplaens salasyndaǵy yntymaqtastyqty keńeıtý jáne Manchester bıznes mektebi ýnıversıtetmen birlesip ІSA International Diploma in Compliance halyqaralyq biliktiligin tanystyrý.
International Compliance Accociation aımaqtyq dırektory Ekaterına Pýstovalovanyń aıtýynsha, jemqorlyqty qabyldaý ındeksinde 2010 jyly birinshi orynda Danııa, Jańa Zelandııa, Sıngapýr boldy. Al Ulybrıtanııa -20, AQSh - 22, Qytaı - 78, Reseı - 154 satyǵa taban tiredi. Ulybrıtanııadaǵy paraqorlyq týraly zań bıyl 1-shildeden bastap kúshine enbek. Onda zań buzýshylyqtyń 4 túri qarastyrylǵan. Olar - para berý, para alý, shet elderdiń melekettik qyzmetkerlerin satyp alý, kommertsııalyq uıymdardyń paraqorlyqty aýyzdyqtaýǵa qabiletsizdigi. Zańda jeke tulǵalardyń para berý men alýǵa baılanysty zań buzýshylyqtaryna 10 jylǵa deıingi bas bostandyǵynan aıyrý jáne shektelmegen kólemde aıyppul salynady. Al ІSA Basqarýshy dırektory Bıll Hovarttyń aıtýynsha, ICA - búkil álemde moıyndalǵan komplaens-menedjerlerdi biriktiretin jalǵyz halyqaralyq uıym. Músheleriniń sany on myńnan asyp jyǵylady.
