Almatyda qylmystyq toptyń jetekshisi ustaldy
ALMATY. 26 tamyz. QazAqparat /Erbol Azanbek/ - Almatyda «Aıshýaq-Jantúgel» qylmystyq tobynyń 45 jastaǵy jetekshisi qolǵa tústi, dep habarlaıdy qalalyq ІІD.
Arnaıy operatsııa qala shaǵyn aýdandarynyń birinde ótken kúnderi júzege asyrylǵan. Almaty qalalyq uıymdasqan qylmyspen kúres basqarmasynyń bastyǵy, polkovnık Valerıı Kozlovtyń aıtýynsha, ustaý sharasyn «Arlan» arnaıy jasaǵy júzege asyrǵan. Kúdiktini ustaý kezinde onyń boıynan 5,6 mm kalıbrli 6 patrony bar tapansha tabylǵan.
Shyǵys Qazaqstan oblysy, Kúrshim aýdanynyń turǵyny 45 jasar T. qazirgi kezde ýaqytsha oqshaýlaý abaqtysyna qamaldy. Qazirgi kezde tekserý jumystary júrgizilýde. Atalǵan azamat 2006 jyly da zańsyz qarý saqtaǵany úshin qylmystyq jaýapqa tartylǵan bolatyn.
