Almatyda qylmystyq toptyń serkesin qamaýda ustaý merzimi uzartyldy
ALMATY. QazAqparat - Almatyda uıymdasqan qylmystyq top qurdy dep kúdiktelgen Esbol Jappasovty qamaýda ustaý merzimi uzartyldy, dep habarlaıdy Qazaqparat tilshisi qalalyq sottyń baspasóz qyzmetine silteme jasap.
Almaly aýdandyq soty bıyl sáýirde ustalǵan Esbol Jappasovty qamaý merzimin 5 tamyzǵa deıin uzartty.
Munyń aldynda birqatar BAQ uıymdasqan qylmystyq top qurdy degen kúdikpen Esbol Jappasovty ustalǵanyn habarlaǵan bolatyn.
Qazirgi kezde, kúdiktiniń menshiginde ondaǵan elıtalyq jyljymaıtyn múlik, asyl tuqymdy sáıgúlikteri bar ekeni anyqtaldy.
Quqyq qorǵaýshylardyń aıtýynsha, Esbol «Jappastyqtar» dep atalǵan UQT basqaryp kelgen.
Qylmystyq top uzaq ýaqyt boıy Qazaqstan men Qyrǵyzstan shekarasy arasynda Qordaı ýchaskesinde kontrabanda ótkizýmen aınalysqan.
«Jappastyqtar» Qyrǵyzstannan qus eti jetkizilip tursa, ol jaqqa munaı ónimderi zańsyz ótkizgen. Sondaı-aq, shekaradan ótken ár júrgizýshiden kem degende 80 myń teńgeden alyp, zańsyz jolmen ońaı oljaǵa kenelip otyrǵan.
