Almatyda qylmystyq toptan quny 2 mlrd teńgeniń antıkvarıat zattary alyndy
ASTANA. QazAqparat - 2018 jylǵy 14 maýsymda UQK Almaty qalasy boıynsha departamenti Almaty qalasy MKD Ekonomıkalyq tergeý qyzmetimen birlesip, jeke basyn baıytý maqsatynda antıkvarıat zattarynyń aınalymymen aınalysqan adamdar tobyn ustaýdy júzege asyrǵan, dep habarlaıdy QazAqparat QR UQK baspasóz qyzmetine silteme jasap.
Alynǵan zattardyń aldyn ala bólshek saýda quny 2 mlrd astam teńgeni quraıdy. Olardyń qatarynda jalpy quny 261 mln teńgege 367 shyǵys qoljazbasy (HІ - HІH ǵ.ǵ.) men lıtografıkalyq (HVІІІ ǵ. - HH ǵ. basy) kitaptar, quny 1.5 mlrd teńgeden artyq Pablo Pıkasso kartınasy, qylyshtar, myltyqtar, kartınalar, vazalar men basqa da mádenı-tarıhı qundylyqtar bar. Tarıhı qundylyǵyn naqtylaý úshin tıisti saraptamalar taǵaıyndaldy.
Osy fakt boıynsha QR QK 234-baby 2-bólimimen (Ekonomıkalyq kontrabanda) kózdelgen qylmys belgileri boıynsha sotqa deıingi tergeý júrgizilýde.
