Almatyda qylmystyq top jalǵan fırmalar arqyly 3,9 mlrd teńgeni qolma-qol aqshaǵa aınaldyrǵan
Agenttiktiń Almaty qalasy boıynsha Ekonomıkalyq tergep-tekserý departamenti 2017-2019 jyldar aralyǵynda oǵan qomaqty somany qolma-qol aqshaǵa aýdarǵan qylmystyq topty anyqtady. Olar ózderine baǵynyshty 7 kompanııa arqyly 3,9 mlrd teńgeni qolma-qol aqshaǵa aýdarǵan.
Іs fıgýranttary 6 adam, onyń ishinde burynǵy qarjy polıtsııasynyń qyzmetkeri men bir banktiń bólimshesiniń basshysy bar.
«Sot úkimimen aıyptalýshylar Qylmystyq kodekstiń 28-baby 5-bóligi, 216-babynyń 3-bóligi (naqty jumystardy oryndamaı, qyzmetterdi kórsetpeı jáne taýarlardy jóneltpeı shot-faktýralar jazyp berý boıynsha áreketter jasaý) boıynsha kináli dep tanylyp, bas bostandyǵynan aıyrý túrindegi ártúrli jaza merzimine sottaldy. Qylmystyq top músheleriniń múligi memleket kirisine alyndy», delingen habarlamada.
2020 jyly atalmysh departament Qylmystyq kodekstiń 2016-baby boıynsha 85 qylmystyq is qozǵady, sonyń ishinde jalǵan fırmalardyń bank shottarynan qarajatty qolma-qol aqshaǵa aınaldyrý salasyndaǵy qylmystyq topty qurý jáne oǵan basshylyq etýdiń 3 faktisi anyqtaldy.