Almatyda qylmystyq top múshelerinen 3 Kalashnıkov avtomaty men 241 oq tárkilendi
ALMATY. 13 maýsym. QazAqparat /Ádilet Musahaev/ -.Ótken senbi kúni Almatyda jol polıtseıleri keshki saǵat segizder shamasynda ıAssaýı kóshesi boıynda qarý-jaraǵyn «Leksýs» markaly kóliginde salyp, alyp kele jatqan kúdiktini qolǵa túsirgen.
Odan 3 Kalashnıkov avtomaty men 4 oqshantaı jáne 241 oq tárkilendi.
"Bul jedel málimetti óte muqııat tekserdik. Nátıjesinde bizdiń nazarǵa buryn adam óltirip, zańsyz qarý saqtaǵany úshin sottalǵan 44 jasar M. esimdi azamat tústi. Sońǵy ret ol 2000 jyly eki jylǵa bas bostandyǵynan aıyrylǵan. Kúdiktini ustaý kezinde onyń kóliginde taǵy úsh erkek boldy, olardyń da qylmysqa qatysy bar-joqtyǵy da birden tekserildi. Ustalǵandardyń barlyǵynyń turaqty jumys oryndary bolmaǵan. Sondaı-aq olar jaldamaly páterde turyp jatqan, syrttan kelýshiler", -deıdi Almaty qalasy ІІD-niń uıymdasqan qylmystyq toppen kúres basqarmasynyń bastyǵy, polıtsııa polkovnıgi Valerıı Kozlov.
Avtokólik ıesi men onyń jolaýshylary da qarý-jaraqty qaıdan alǵandyǵyn jáne ony saqtaýdaǵy maqsattary jaıynda tis jarmaǵan. Tárkilengen barlyq qarýlar jedel-tergeý tobyna jetkizilip, QR QK-niń 251-shi babyna saı qarýdy zańsyz saqtap, tasymaldaý isi boıynsha qylmystyq is qozǵaldy.
" Tárkilengen qarý-jaraqtardyń ne úshin qajet bolǵanyn anyqtaý úshin sarapshy-krımınalıster jumysqa kirisip ketti. Solardyń jumys qorytyndysy boıynsha bul qarýlardyń qylmystyq isterge qoldanyldy ma degen suraqqa jaýap alynady. Sonymen qatar ustalǵandardyń barlyǵy ýaqytsha oqshaýlaý bólmesine jabyldy, -dep atap ótti polkovnık Kozlov.
