Almatyda qylmystyq top adamdardy pyshaqpen qorqytyp, telefondaryn tartyp alǵan

ALMATY. QazAqparat - Almatylyq polıtseıler qala ortalyǵynda adamdardy tonaýmen aınalysqan bir top er adamdy ustady, dep habarlaıdy QazAqparat tilshisi.

Qylmystyq topty 21 jastaǵy Almaty oblysynyń turǵyny basqarǵan.

«Aıyptalýshylar qarańǵyda, ótip bara jatqan adamdardy pyshaqpen qorqytyp, uıaly telefondary men baǵaly zattaryn alyp, keıin qalanyń ártúrli lombardtarynda satqan. Kúdiktiler jedel is-sharalar júrgizý barysynda ustaldy. Biz kórsetilgen alańdaǵy krımınaldyq polıtsııa bólimshesiniń jumysyn, birneshe kún ishinde jasalǵan eki uqsas qylmysty taldaý arqyly kúsheıttik. Tergeý aıaqtalǵanǵa deıin jábirlenýshilerdiń tizimi tolyǵýy múmkin ekendigin joqqa shyǵarmaımyz: tonalǵan adamdar qandaıda bir sebeptermen polıtsııaǵa kómekke júginbeýi de múmkin. Qylmystyń qarýy – pyshaq tárkilendi», – dep habarlady Almaly aýdandyq polıtsııa basqarmasynyń bastyǵy Esen Ysqaqov.

Kúdiktilerge qatysty QR QK-niń 191-baby 2-bóligi boıynsha sotqa deıingi tergeý amaldary júrgizilýde.