Almatyda qylmystyq - atqarý zańnamalaryn qoldaný men jetildirýdiń ózekti máseleleri talqylanýda
ALMATY. Jeltoqsannyń 23-i. QazAqparat /Názıra Eleýhan/ - Búgin Almatyda Abaı atyndaǵy Qazaq Ulttyq pedagogıkalyq ýnıversıtetinde «Jahandaný jaǵdaıynda qylmystyq, qylmystyq is júrgizý jáne qylmystyq - atqarý zańnamalaryn qoldaný men jetildirýdiń ózekti máseleleri» atty halyqaralyq ǵylymı-tájirıbelik konferentsııa ótip jatyr.
Konferentsııa zań ǵylymdarynyń doktory, professor Tamas Aıtmuhambetovtyń 70 jyldyǵyna arnalǵan, dep habarlaıdy QazAqparat.
Konferentsııa jumysyna ǵalymdar, advokattar, zańgerler, Qyrǵyzstan, Ózbekstan jáne óz elimizdiń JOO-nyń ókilderi qatysýda. «Konferentsııanyń maqsaty - qylmystyq sot salasynda Konstıtýttsııalyq zańdylyqty saqtaý máselelerin talqylaý, 2010-2020 jyldarǵa arnalǵan QR Quqyqtyq kontseptsııasyn talqylaý» deıdi uıymdastyrýshylar.
«Quqyqtyq memleketti qalyptastyrý úshin, Qazaqstan Respýblıkasynyń Ata zańy men prıntsıpteri, normalary negizinde quqyqtyq memleketke tán barlyq erekshelikterdi, quqyqtyq minezdi qalyptastyratyn saıasatty júrgizý kerek», dedi zań ǵylymdarynyń doktory, akademık Ǵaırat Saparǵalıev. Onyń aıtýynsha, Elbasynyń jarlyǵymen bekitilgen 2010-2020 jyldardaǵy elimizdiń quqyqtyq kontseptsııasy Qazaqstandaǵy zań ǵylymyndaǵy ózekti máselelerdi zertteýge, onyń ishinde quqyqtyq memleketti qalyptastyrý problemalaryn anyqtaýǵa da jol ashty.
