Almatyda qylmystyq álemniń 2 serkesi, 6 bedeldi tulǵasy jáne uıymdasqan qylmystyq toptardyń 21 múshesi ustaldy
ALMATY. 23 maýsym. QazAqparat - Almatyda aǵymdaǵy jylǵy alǵashqy 5 aıdyń ishinde tonaýshylyqtan - 40, qaraqshylyq shabýyldan - 34, páter jáne kólik tonaýdan - 11 jáne avtokólik urlaýdan 4 top áshkerelendi.
Bul jaıly búgin Qazaqstan polıtsııasynyń 20 jyldyq merekesin atap ótýge arnalǵan saltanatty jıyn kezinde aıtyldy.
«Bes aıdyń qorytyndysy boıynsha qalada tirkelgen adam óltirý qylmysy 22 paıyzǵa azaıdy. Sondaı-aq ótemaqy talap etý maqsatynda adam urlaý 47 paıyzdan astam jáne zańsyz esirtki quraldary aınamyna baılanysty qylmystar 25 paıyzǵa kemidi. Kún saıyn qoǵamdyq tártipti qorǵaýǵa 2,5 myń polıtsııa qyzmetkeri men ishki áskerde qyzmet etýshiler jáne polıtsıanyń qoǵamdyq kómekshileri tartylady», - deıdi A.Esimov. Qala basshysynyń aıtýynsha, jedel izdestirý sharalary kezinde qylmystyq álemniń 2 serkesi, 6 bedeldi tulǵasy jáne uıymdasqan qylmystyq toptardyń 21 múshesi ustalyp, jaýapqa tartyldy. Sonymen qatar uıymdasqan qylmystyq top qurýdyń 2 faktisi áshkerelendi.
