Almatyda qylmyskerler oǵynan jaralanǵan polıtsııa leıtenanty kóz jumdy
ALMATY. 31 shilde. QazAqparat - Búgin shamamen saǵat túngi 1-de 4-shi qalalalyq klınıkalyq aýrýhananyń jansaqtaý bóliminde ótken senbide qyzmetin atqarý barysynda qarýlanǵan qylmyskerler jaraqattaǵan polıtsııa leıtenanty Ernaz Qojahmetov kóz jumdy,
dep habarlady Almaty ІІD-niń baspasóz qyzmeti.
Esterińizge sala keteıik, 2012 jylǵy 28 shildede Almaty qalasynyń Bekmahanov kóshesinde polıtsııa qyzmetkerlerine qarýly shabýyl jasalǵan bolatyn. Polıtsııa aǵa leıtenanty Erjan Qaıraqbaev sol jerde qaza taýyp, al basynan oq tıgen polıtsııa leıtenanty Ernaz Kojahmetov jaraqattanyp aýrýhanaǵa jatqyzylǵan edi.
Qojahmetov Ernaz Jamanqarauly, 1986 jyly 23 shildede týǵan, 2011 jyly Qazaqstannyń qarýly kúshterinde qyzmet atqarǵannan keıin Almaty qalasynyń ІІD Patrýldi polıtsııa polkiniń 6 rotasyna jumysqa ornalasty. Úılenbegen. Polıtsııa qyzmetkeri óziniń týǵan jeri - Almaty oblysy, Baqanas aýylyna jerlenedi.
